Azərbaycan iqtisadi, siyasi cəhətdən sabit, demokratik şəraitdə yaşayır və inkişaf edir. Mən Azərbaycanın ən ağrılı problemi olan Dağlıq Qarabağ münaqişəsinin də sülh yolu ilə, beynəlxalq hüququn norma və prinsipləri əsasında həll olunacağına inanıram.
Bu sözləri Azərbaycanda səfərdə olan Monteneqronun xarici işlər naziri Milan Roçen jurnalistlərə müsahibəsində demişdir.
Monteneqronun xarici siyasət idarəsinin rəhbəri bildirmişdir ki, Azərbaycana səfəri çərçivəsində keçirəcəyi görüşlərdə ölkələrimiz arasında siyasi, iqtisadi sahələrdə əlaqələrin inkişafı, diplomatik xidmətdə viza rejiminin ləğvi, beynəlxalq əməkdaşlıq və digər məsələlər ətrafında fikir mübadiləsi aparacaqdır.
Nazir, görüşlərin sonunda bəzi ikitərəfli sənədlərin imzalanacağını da istisna etməmişdir.{nl}

AzərTAc