Türkdilli Ölkələrin Parlament Assambleyasının (TürkPA) ofisində Qazaxıstan parlamentinin MDB PA və ATƏT PA-dakı nümayəndə heyətlərinin üzvləri İdelbay İmankulov və Tulebek Kosməmbetovla görüş olmuşdur.
TürkPA-dan bildirmişlər ki, baş katib Ramil Həsənov qurumun beynəlxalq parlament diplomatiyası sahəsində, Azərbaycan-Qazaxıstan, Azərbaycan-Türkiyə parlamentlərarası əməkdaşlığında oynadığı rol, beynəlxalq parlament təşkilatlarında birgə fəaliyyəti barədə qonaqlara ətraflı məlumat vermiş, nəzərdə tutulmuş planlardan danışmışdır.
Ətraflı məlumata görə minnətdarlıq edən deputatlar TürkPA-nın fəaliyyətinə Qazaxıstanın bundan sonra da hərtərəfli dəstək verəcəyini, beynəlxalq parlament təşkilatları olan MDB PA və ATƏT PA ilə qarşılıqlı əlaqələrinin möhkəmlənməsinə yardımçı olacaqlarını bildirmişlər.
Görüşdə Qazaxıstanın Azərbaycandakı səfirliyinin müşaviri Baqıt Abılqazın, TürkPA baş katibinin Türkiyədən və Qazaxıstandan olan müavinləri Kürşat Melih Sarıarslan və Mels Semqaliyev iştirak etmişlər.{nl}

AzərTAc