Avropa Komissiyası hesab edir ki, Ermənistanın nüvə silahına malik olması barədə bu ölkənin sabiq baş naziri Qrant Baqratyanın açıqlaması araşdırılmalıdır.

APA-nın “İnterfax”a istinadən verdiyi xəbərə görə, bunu Avropa İttifaqının xarici siyasət və təhlükəsizlik məsələləri üzrə ali komissarı Federika Mogerininin rəsmi nümayəndəsi Maya Kosyançiç Brüsseldə keçirilən brifinqdə deyib:  “Bizim nüvə silahı və onun yayılmaması ilə bağlı mövqeyimizi bilirsiniz. Yanaşmamız aydındır”.

Xatırladaq ki, Ermənistanın sabiq baş naziri Q. Baqratyan Ermənistanın atom silahına sahib olduğunu bildirib. Ermənistan parlamentinin vitse-spikeri Eduard Şarmazanov isə ölkənin nüvə silahı yaratmağı planlaşdırmadığını bəyan edib.