Azərbaycanın Xarici İşlər Nazirliyindən bildirmişlər ki, aprelin 19-dan 21-dək nazir Elmar Məmmədyarovun Almaniyaya rəsmi səfəri nəzərdə tutulmuşdur.
Səfər çərçivəsində aprelin 19-da E.Məmmədyarovun Almaniya Bundestaqının Xarici Əlaqələr Komitəsinin və qurumun yenicə formalaşmış Cənubi Qafqaz parlament qrupunun üzvləri, "Körber Stiftung" Fondunda deputatlar, elmi fondların rəhbərləri və iş adamları, bu ölkənin xarici işlər naziri Guido Vestervelle, Kanslerin xarici və təhlükəsizlik siyasəti məsələləri üzrə müşaviri Kristof Hoygen ilə görüşləri və Xarici Siyasət Məsələləri üzrə Alman Cəmiyyətində çıxışı olacaqdır.
Aprelin 20-də isə nazirin Bundestaqın Xarici Əlaqələr Komitəsinin sədri Ruprext Polenz, Baden-Vürttemberq əyalətinin Baş naziri Stefan Mappus ilə görüşləri və Azərbaycanın Ştutqart şəhərindəki fəxri konsulluğunun açılışında iştirakı planlaşdırılır.
AzərTAc{nl}