Noyabrın 3-də Azərbaycan Respublikası Baş nazirinin müavini Elçin Əfəndiyev Yaponiyanın ölkəmizdəki səfiri Tsuquo Takahaşi ilə görüşüb.

Görüşdə son illər Azərbaycan–Yaponiya dostluq və əməkdaşlıq münasibətlərinin daha da möhkəmləndirilməsi istiqamətində həyata keçirilən tədbirlər məmnunluqla qeyd edilib, mədəniyyət, ədəbiyyat, elm, təhsil sahələrində əlaqələrin genişləndirilməsi perspektivləri müzakirə olunub.

Səfir Tsuquo Takahaşi Azərbaycanda digər sahələr kimi mədəniyyətin, elmin, təhsilin, idmanın inkişafına da  böyük qayğı göstərildiyini, ölkəmizin bu sahələrdə də diqqətəlayiq uğurlar qazandığını xüsusi vurğulayıb, Yaponiyanın bundan sonra da Azərbaycan ilə əlaqələrin möhkəmləndirilməsinə maraqlı olduğunu bildirib.

Baş nazirin müavini Elçin Əfəndiyev ölkəmizdə də Yaponiya ilə əməkdaşlığa, dostluq münasibətlərinin daha da möhkəmləndirilməsinə böyük önəm verildiyini qeyd edilib və Azərbaycan ilə Yaponiya arasında mədəniyyət, elm, təhsil sahələrində əlaqələrin daha da inkişaf etdirilməsinin vacibliyini diqqətə çatdırıb.

Görüşdə qarşılıqlı maraq doğuran məsələlər müzakirə olunub.

AZƏRTAC