Azərbaycan Rusiya ilə əlaqələrə xüsusi əhəmiyyət verir. Bunu jurnalistlərə Prezident Administrasiyası ictimai siyasi məsələlər şöbəsinin müdiri Əli Həsənov demişdir.
Onun sözlərinə görə, son illər Azərbaycan ilə Rusiya arasında iqtisadi, sosial, mədəni əlaqələr xeyli intensivləşmişdir. Ölkələrimiz bu və ya digər sahədə qarşılıqlı maraqlarını uyğunlaşdıra bilmişlər. Bu, ilk növbədə, ondan irəli gəlir ki, həm Rusiya Azərbaycan Respublikasına bərabərhüquqlu tərəfdaş kimi baxır, həm də Azərbaycan Rusiyanı bölgənin böyük dövləti, Azərbaycanın dostu və tərəfdaşı kimi dəyərləndirir, onunla əlaqələrə xüsusi əhəmiyyət verir. 2001-ci ildə Rusiyanın keçmiş prezidenti Vladimir Putinin Azərbaycana səfəri ilə əsası qoyulan və Heydər Əliyevlə keçirdiyi görüşlərdə bilavasitə israr etdiyi strateji tərəfdaşlıq münasibətləri bu gün də durmadan inkişaf edir.
AzərTAc{nl}