Xarici işlər naziri Elmar Məmmədyarov oktyabrın 20-də Polşanın Azərbaycana yeni təyin olunmuş səfiri Mixal Labenda ilə görüşmüşdür.
XİN-in mətbuat xidmətindən bildirmişlər ki, etimadnaməsinin surətini nazirə təqdim edən M.Labenda Azərbaycanda səfir təyin edilməsindən məmnun olduğunu qeyd etmişdir. Ölkələrimiz arasında əməkdaşlığın inkişaf etdirilməsi üçün geniş potensialın olduğunu vurğulayan qonaq Polşa-Azərbaycan əlaqələrinin dərinləşməsi istiqamətində çalışacağını bildirmişdir.
E.Məmmədyarov ölkəmizdə səfir təyin olunması münasibətilə polşalı diplomatı təbrik etmiş və işlərində müvəffəqiyyətlər arzulamışdır.