Estoniyanın Tallinn şəhərinin Kristiyne rayonunun başçısı Mixail Korbun rəhbərliyi ilə nümayəndə heyəti Bakıda səfərdədir.
Bakının Suraxanı rayonu ilə Tallinnin Kristiyne şəhəri arasında qardaşlaşma haqqında 2008-ci il aprelin 25-də Tallinndə protokol imzalanmışdır. Suraxanı Rayon İcra Hakimiyyətindən bildirmişlər ki, protokolun şərtlərinə uyğun olaraq həyata keçirilən səfərdə məqsəd Suraxanı və Kristiyne rayonları arasında əməkdaşlığı genişləndirmək, xalqlarımız arasındakı dostluq münasibətlərini inkişaf etdirməkdir.
Estoniya nümayəndə heyəti aprelin 15-də Fəxri Xiyabanda ümummilli lider Heydər Əliyevin və görkəmli oftalmoloq alim Zərifə xanım Əliyevanın məzarlarını, Şəhidlər Xiyabanını ziyarət etmişdir.
Sonra estoniyalı qonaqlar Suraxanı rayonunda Heydər Əliyev Mərkəzi ilə tanış olmuş, ulu öndərin abidəsi önünə gül-çiçək dəstələri düzmüş, ağacəkmə kampaniyasında iştirak etmişlər.
Aprelin 19-dək davam edəcək səfər çərçivəsində estoniyalı qonaqların Suraxanı rayon təsərrüfatının idarə edilməsi, abadlıq işlərinin planlaşdırılması, park və yaşıllıqların salınması, məişət tullantılarının yığışdırılması və emalı, kiçik sahibkarlığın inkişafı və digər sahələrdə qarşılıqlı təcrübə mübadiləsi aparmaları nəzərdə tutulmuşdur.{nl}