Xarici işlər naziri Elmar Məmmədyarov İordaniya Haşimilər Krallığının Azərbaycanda yeni təyin olunmuş səfiri Adel Adeylah ilə görüşmüşdür.
Etimadnaməsinin surətini nazirə təqdim edən A.Adeylah Azərbaycana səfir təyin olunmasından məmnunluğunu ifadə etmişdir. Ölkələrimiz arasında əlaqələrin inkişafı üçün geniş potensialın olduğunu vurğulayan diplomat İordaniya-Azərbaycan əməkdaşlığının dərinləşməsi istiqamətində çalışacağını bildirmişdir.
E.Məmmədyarov Azərbaycanda səfir təyin olunması münasibətilə iordaniyalı diplomatı təbrik etmiş və işlərində müvəffəqiyyətlər arzulamışdır.{nl}