Milli Məclis sədrinin müavini, ATƏT Parlament Assambleyasında Azərbaycan nümayəndə heyətinin rəhbəri Bahar Muradovanın başçılığı ilə nümayəndə heyəti qurumun payız sessiyasının işində iştirak etmək üçün oktyabrın 7-də İtaliyanın Palermo şəhərinə səfər edəcəkdir.
Nümayəndə heyətinin tərkibinə Milli Məclisin insan hüquqları komitəsinin sədri Rəbiyyət Aslanova və deputat Fazil Mustafa daxildir.
Mili Məclisin mətbuat xidmətindən bildirmişlər ki, sessiyanın əvvəlki iki günü ATƏT PA-nın Aralıq dənizi forumunun keçirilməsinə həsr olunacaqdır. Burada Aralıq dənizi hövzəsində iqtisadi və infrastruktur sahələrində əlaqələr, mədəniyyət və ətraf mühit üzrə əməkdaşlıq məsələləri barədə fikir mübadiləsi aparılacaqdır.
Oktyabrın 9-da isə sessiya çərçivəsində "Transmilli mütəşəkkil cinayətkarlığa və korrupsiyaya qarşı mübarizə" mövzusunda konfrans keçiriləcəkdir. Konfransda korrupsiya və insan alveri ilə mübarizə məsələləri müzakirə ediləcəkdir.
Sessiyanın yekununda daimi komitənin iclası keçiriləcəkdir. Bu iclasda ATƏT PA-nın qarşıdakı dövr üçün fəaliyyət proqramına baxılacaqdır.
Azərbaycan parlament nümayəndə heyətinin üzvləri müzakirə edilən mövzularla əlaqədar öz fikirlərini açıqlayacaqlar.{nl}