Yaponiyanın Azərbaycandakı səfiri Masamitsu Oki ölkəmizdə diplomatik fəaliyyətinin başa çatması ilə əlaqədar oktyabrın 4-də xarici işlər naziri Elmar Məmmədyarov ilə görüşmüşdür.
M.Oki Azərbaycanda Yaponiyanın səfiri olmasından məmnun olduğunu vurğulamışdır. İşlədiyi dövrdə ölkələrimiz arasındakı münasibətlərin daha da genişlənməsinə çalışdığını qeyd edən səfir bu istiqamətdə Azərbaycanın Xarici İşlər Nazirliyi ilə faydalı əməkdaşlıq etdiyini bildirmişdir.
Nazir E.Məmmədyarov səfir Masamitsu Okiyə xoş arzularını bildirmiş və gələcək işlərində müvəffəqiyyətlər arzulamışdır.
AzərTAc{nl}