Oktyabrın 4-də Məzahir Pənahovun sədrliyi ilə Mərkəzi Seçki Komissiyasının (MSK) növbəti iclası keçirilmişdir.
MSK-nın mətbuat xidmətindən bildirmişlər ki, əvvəlcə Mərkəzi Seçki Komissiyasının 2010-cu il 1 oktyabr tarixli iclasının protokolu təsdiq olunmuşdur.
Sonra "İnsan naminə" siyasi partiyalar blokunun səlahiyyətli nümayəndələrinin qeydə alınması barədə qərar qəbul edilmişdir.
İclasda Milli Məclisə keçirilən seçkilərlə bağlı Mərkəzi Seçki Komissiyasına daxil olmuş müraciətlərə də baxılmışdır. Müraciətlərdən 1-nin əsassız olduğundan təmin edilməməsi, 4-nün araşdırılması üçün aidiyyəti üzrə müvafiq dairə seçki komissiyalarına göndərilməsi barədə qərar qəbul olunmuş, 2-sinin müraciətinə baxılmadığı üçün xitam verilmişdir.
Komissiyanın iclasında cari məsələlərə də baxılmışdır.
İclasda ATƏT-in Demokratik Təsisatlar və İnsan Hüquqları Bürosunun, ATƏT-in Bakı ofisinin təmsilçiləri və kütləvi informasiya vasitələrinin nümayəndələri iştirak etmişlər.{nl}

AzərTAc