Azərbaycan və Türkiyə arasında Yüksək Səviyyəli Strateji Əməkdaşlıq Şurasının yaradılması ilə bağlı Bakıda geniştərkibli Azərbaycan-Türkiyə nümayəndə heyətlərinin görüşü keçiriləcəkdir.
Bu sözləri Türkiyənin Azərbaycandakı səfiri Hulusi Kılıç demişdir.
Diplomat bildirmişdir ki, bununla əlaqədar Türkiyənin Baş naziri Rəcəb Tayyib Ərdoğanın rəhbərliyi altında müxtəlif sahələri təmsil edən nazirlərdən ibarət nümayəndə heyəti Azərbaycana səfər edəcəkdir. Səfər çərçivəsində Şuranın fəaliyyəti müzakirə olunacaq və birgə fəaliyyət istiqamətləri müəyyənləşdiriləcəkdir.
"Azərbaycan Respublikası və Türkiyə Respublikası arasında Yüksək Səviyyəli Strateji Əməkdaşlıq Şurasının qurulması haqqında Birgə Bəyannamə" sentyabrın 15-də İstanbulda imzalanmışdır.
AzərTAc{nl}