Sentyabrın 27-də Məzahir Pənahovun sədrliyi ilə Mərkəzi Seçki Komissiyasının (MSK) növbəti iclası keçirilmişdir.
MSK-nın mətbuat xidmətindən bildirmişlər ki, əvvəlcə Mərkəzi Seçki Komissiyasının 2010-cu il 23 sentyabr tarixli iclasının protokolu təsdiq edilmişdir.
Sonra 2010-cu il noyabrın 7-də keçiriləcək Milli Məclisə seçkilərlə əlaqədar "İnsan naminə" siyasi partiyalar blokunun səlahiyyətli nümayəndəsinin qeydə alınması barədə qərar qəbul olunmuşdur.
İclasda 75 saylı Lənkəran-Masallı seçki dairəsi dairə seçki komissiyasının tərkibində dəyişiklik edilmişdir.
Komissiyanın iclasında cari məsələlərə də baxılmışdır.
İclasda kütləvi informasiya vasitələrinin nümayəndələri iştirak etmişlər.{nl}