Sentyabrın 23-də Məzahir Pənahovun sədrliyi ilə Mərkəzi Seçki Komissiyasının (MSK) növbəti iclası keçirilmişdir.
MSK-nın mətbuat xidmətindən bildirmişlər ki, əvvəlcə Mərkəzi Seçki Komissiyasının 2010-cu il 18 sentyabr tarixli iclasının protokolu təsdiq edilmişdir.
Sonra 2010-cu il noyabrın 7-də keçiriləcək Milli Məclisə seçkilərlə əlaqədar "Qarabağ", "İnsan naminə" və "AXCP-Müsavat" siyasi partiyalar bloklarının, Azərbaycan Sosial Demokrat, Azərbaycan Liberal Demokrat, Ana Vətən və Müasir Müsavat partiyalarının səlahiyyətli nümayəndələrinin qeydə alınması barədə qərar qəbul edilmişdir.
İclasda 12 saylı Qaradağ-Yasamal-Binəqədi və 50 saylı Qobustan-Xızı-Sumqayıt seçki dairələri dairə seçki komissiyalarının tərkibində dəyişiklik edilmişdir.
Komissiyanın iclasında cari məsələlərə də baxılmışdır.
İclasda Milli Demokratiya İnstitutunun (ABŞ) və kütləvi informasiya vasitələrinin nümayəndələri iştirak etmişlər.
AzərTAc{nl}