Azərbaycanın Xarici İşlər Nazirliyinin mətbuat xidmətindən bildirmişlər ki, Nyu- Yorka səfəri çərçivəsində nazir Elmar Məmmədyarov Yunanıstanın xarici işlər naziri Dimitris Drautsas ilə görüşmüşdür.
Tərəflər enerji sahəsində əməkdaşlıq perspektivlərini müzakirə etmiş və bu çərçivədə Türkiyə-Yunanıstan-İtaliya (TGİ) layihəsi ilə bağlı söhbət aparmışlar. Ermənistan-Azərbaycan, Dağlıq Qarabağ münaqişəsinin həlli ilə bağlı maraqlanan yunan həmkarına E.Məmmədyarov problemin həlli və danışıqlar prosesi ilə bağlı ətraflı məlumat vermişdir.
Nazir E.Məmmədyarov Kanadanın xarici işlər naziri Lourens Kannon ilə də görüşmüşdür. Azərbaycanın və Kanadanın xarici işlər nazirləri iki ölkə arasındakı əlaqələrlə bağlı fikir mübadiləsi aparmışlar. Kanadalı nazir L.Kannon Ermənistan-Azərbaycan, Dağlıq Qarabağ münaqişəsinin həllinə dair aparılan danışıqlar prosesinin vəziyyəti ilə maraqlanmışdır. E.Məmmədyarov bu məsələ ilə bağlı həmkarını ətraflı məlumatlandırmışdır.
AzərTAc{nl}