Azərbaycanın Los-Anceles şəhərindəki baş konsulluğundan verilən məlumata görə, ABŞ-ın nüfuzlu "Stratfor Qlobal İnttelicens" təhlil mərkəzinin dəvəti ilə baş konsul Elin Süleymanov mərkəzin Texas ştatındakı qərargahında qurumun əməkdaşları üçün seminar keçirmişdir.
E.Süleymanov çıxışında Azərbaycanın xarici siyasət dairəsi, ABŞ-Azərbaycan münasibətlərinin hazırkı vəziyyəti, Xəzər hövzəsinin strateji enerji layihələri, Ermənistan-Azərbaycan, Dağlıq Qarabağ münaqişəsinin həlli perspektivləri üzərində dayanmış, Cənubi Qafqaz bölgəsində son hadisələri geniş təhlil etmişdir. "Stratfor" mərkəzinin rəhbəri, Amerikanın aparıcı tədqiqatçılarından biri Corc Fridman bu yaxınlarda Azərbaycana etdiyi səfərin təəssüratlarından danışmış, Bakıda keçirdiyi görüşləri, apardığı müzakirələri yüksək dəyərləndirmişdir. O, Azərbaycan Prezidenti yanında Strateji Araşdırmalar Mərkəzinin ekspertləri ilə intellektual fikir mübadiləsini xüsusi qeyd edərək, səfərindən çox məmnun qaldığını diqqətə çatdırmışdır.

Şəfəq AKİFQIZI AzərTAc-ın xüsusi müxbiri
Vaşinqton