Azərbaycanın Türkiyədəki səfiri Faiq Bağırov Türkiyə Böyük Millət Məclisinin sədri Mehmet Əli Şahinlə görüşmüşdür.
Mehmet Əli Şahin səfiri qardaş Azərbaycanın Türkiyədəki diplomatik nümayəndəliyinin rəhbəri təyin olunması münasibətilə təbrik etmiş, ona uğurlar arzulamışdır.
Görüşdə ikitərəfli və regional məsələlər ətrafında fikir mübadiləsi aparılmışdır. Tərəflər Azərbaycan və Türkiyənin dövlət başçıları İlham Əliyev və Abdullah Gülün son səfərlərinin əhəmiyyətini vurğulamışlar. Qeyd olunmuşdur ki, bu səfərlər, habelə Türkiyə ilə Azərbaycan arasında Yüksək Səviyyəli Əməkdaşlıq Şurasının yaradılması ilə bağlı imzalanmış sənəd ölkələrimiz arasında dostluq və qardaşlıq münasibətlərini daha da yüksəltmişdir. Bu mühüm sənəd əlaqələrimizin inkişafına, o cümlədən parlamentlərimiz arasında əməkdaşlığa təkan verəcəkdir.{nl}

Oqtay BAYRAMOV AzərTAc-ın xüsusi müxbiri
Ankara