Azərbaycanın Xarici İşlər Nazirliyinin mətbuat xidmətindən bildirmişlər ki, aprelin 12-də nazir Elmar Məmmədyarov NATO Parlament Assambleyasının Siyasi Komitəsinin NATO tərəfdaşlığı üzrə Alt Komitəsinin üzvləri ilə görüşmüşdür.
Görüşdə nazir E.Məmmədyarov Azərbaycanın xarici siyasətinin prioritetləri, xüsusilə də Ermənistan-Azərbaycan, Dağlıq Qarabağ münaqişəsinin nizamlanması ilə bağlı hazırkı vəziyyət, məsələnin həllinə dair ölkəmizin mövqeyi, regional məsələlər, bölgədə həyata keçirilən layihələr, qonşu dövlətlərlə münasibətlər haqqında danışmış və nümayəndə heyəti üzvlərinin suallarını cavablandırmışdır.