Avropa Şurası Parlament Assambleyasında (AŞPA) Azərbaycan nümayəndə heyətinin üzvü, Milli Məclisin deputatı Rafael Hüseynov qurumun oktyabrın 4-dən 8-dək Strasburqda keçiriləcək növbəti sessiyasında səs və işıq çirklənməsinin səviyyəsi barədə hesabat təqdim edəcəkdir.
AzərTAc AŞPA-nın rəsmi saytına istinadla xəbər verir ki, hesabatın müzakirəsi qurumun payız sessiyasının gündəliyinə daxil olunmuşdur. Hesabat oktyabrın 7-də müzakirə ediləcəkdir.
Sessiyada, həmçinin AŞPA-nın baş katibi postuna seçkilərin keçirilməsi, Ukraynada demokratik institutların fəaliyyəti, uşaqların təhsil hüququ, Baltik dənizinin sosial-iqtisadi potensialı və digər məsələlərin müzakirəsi gözlənilir.
AzərTAc{nl}