Azərbaycanın Xarici İşlər Nazirliyinin mətbuat xidmətindən bildirmişlər ki, sentyabrın 8-də nazir Elmar Məmmədyarov Norveçin ölkəmizdə yeni təyin olunmuş səfiri Erlinq Skjonsberq ilə görüşmüşdür.
Etimadnaməsinin surətini nazirə təqdim edən E.Skjonsberq Azərbaycanda səfir təyin olunmasından məmnunluğunu ifadə etmişdir. Ölkələrimiz arasında bir sıra sahələrdə əməkdaşlığın inkişafı üçün geniş potensialın olduğunu vurğulayan diplomat Azərbaycan-Norveç əlaqələrinin genişləndirilməsinə çalışacağını demişdir.
Nazir E.Məmmədyarov ölkəmizdə səfir təyin olunması münasibətilə E.Skjonsberqi təbrik etmiş və işlərində müvəffəqiyyətlər arzulamışdır.