NATO Parlament Assambleyasının (PA) prezidenti Con Tanner Dağlıq Qarabağ münaqişəsi ilə bağlı məsələnin qurumun payız sessiyasında qaldırılacağına söz vermişdir.
Bu məlumatı Milli Məclis sədrinin birinci müavini, Azərbaycanın NATO PA-dakı nümayəndə heyətinin rəhbəri Ziyafət Əsgərov bildirmişdir. Z.Əsgərov yaz sessiyasında NATO PA-nın prezidenti ilə görüşdüyünü vurğulayaraq demişdir ki, o zaman C.Tannerə Dağlıq Qarabağ münaqişəsi ilə bağlı qəbul olunan bütün sənədlər təqdim olunmuşdur. O da bu məsələni NATO PA-nın payız sessiyasında qaldıracağına söz vermişdir.
Z.Əsgərov demişdir ki, Ermənistan bu faktı böyük narahatlıqla qarşılayır. Sentyabrın 9-da Azərbaycanın təşəbbüsü ilə BMT-də də bu məsələyə baxılacaqdır. NATO da nüfuzlu hərbi-siyasi təşkilat kimi bu məsələyə öz münasibətini bildirməlidir.
Ziyafət Əsgərov Azərbaycanın haqq işinin bu dəfə də qalib gələcəyinə inamını ifadə etmişdir.
AzərTAc{nl}