“İtalia-express” saytında TAP layihəsi ilə bağlı yazı yerləşdirilib.

Yazıda qeyd olunur ki, Azərbaycan qazını Avropaya daşıyacaq TAP boru kəmərinin inşasının 2019-cu ildə başa çatdırılması nəzərdə tutulub. Bu layihə iştirakçı ölkələr üçün böyük əhəmiyyət kəsb edir. Xüsusilə, Ukrayna böhranından sonra Avropa İttifaqı üçün bu layihə həyat mənbəyi rolunu oynayacaq. Avropa ölkələri, o cümlədən İtaliya da TAP-ın uğurla reallaşmasına böyük maraq göstərir. Avropa İttifaqı TAP layihəsinin həyata keçirilməsinə hər vəchlə cəhd göstərir. Bu layihə Azərbaycanın beynəlxalq aləmdə tutduğu mövqeyi daha da möhkəmləndirəcək. Bundan başqa, ölkənin dinlər və mədəniyyətlər arasında körpü rolunu oynamasını nümayiş etdirməsi üçün daha yaxşı imkanlar yaranacaq.

Məqalənin tam mətnini aşağıdakı linkdə oxumaq olar:

Http://italiaexpress.

wordpress.com/2014/08/20/la-via-del-gas-dallazerbaigian-allitalia-disponibilita-di-energia-e-timori-ambientali/

Maqsud DADAŞOV,

AzərTAc-ın xüsusi müxbiri

Roma