Naxçıvan Muxtar Respublikasında səfərdə olan Azərbaycan, Gürcüstan və Türkiyənin müdafiə nazirləri – Zakir Həsənov, İrakli Alasaniya və İsmət Yılmaz xalqımızın ümummilli lideri Heydər Əliyevin Naxçıvan şəhərinin mərkəzində ucaldılmış abidəsi önünə gül dəstələri qoyaraq, əziz xatirəsini ehtiramla anıblar.

Müdafiə nazirləri Naxçıvan şəhərindəki  Heydər Əliyev muzeyini də ziyarət ediblər.

Azərbaycan Respublikası Müdafiə Nazirliyinin mətbuat xidmətindən AzərTAc-a bildiriblər ki, qonaqlar, həmçinin Naxçıvan şəhərindəki Şəhidlər Xiyabanında ölkəmizin müstəqilliyi, ərazi bütövlüyü uğrunda mübarizədə canlarını qurban vermiş qəhrəman Vətən oğullarının məzarlarını ziyarət edərək, üzərinə  gül dəstələri qoyublar.

Sonra qonaqlar “Əshabi-Kəhf” ziyarətgahında olublar.