Ermənistan silahlı qüvvələrinin qoşunların təmas xəttində tez-tez atəşkəs rejimini pozması Azərbaycan torpaqlarının 20 faizinin işğal olunmasına dünya birliyinin biganə münasibətinin nəticəsidir.

Bu sözləri Türkiyənin Avropa İttifaqı üzrə naziri Mövlud Çavuşoğlu “TRT haber” televiziya kanalına müsahibəsində söyləyib.

Mövlud Çavuşoğlu daha sonra deyib ki, işğal altında olan torpaqlarını azad etmək üçün siyasi və hərbi mübarizə aparmaq Azərbaycanın haqqıdır. Dağlıq Qarabağ münaqişəsinin həlli ilə məşğul olan ATƏT-in Minsk qrupunun həmsədrləri fəallığı artırmalıdırlar. Dünya birliyi anlamalıdır ki, Dağlıq Qarabağ və bu cür münaqişələrin beynəlxalq hüquq çərçivəsində həllini tapmaması milli, dini və ərazi zəminində digər münaqişələrin yaranmasına səbəb olacaq.

Sabir ŞAHTAXTI

AzərTAc-ın xüsusi müxbiri

İstanbul