Aprelin 9-da Azərbaycan Respublikasının Prezidenti yanında Strateji Araşdırmalar Mərkəzinin (SAM) direktoru Elxan Nuriyev Rumıniyanın ölkəmizdəki səfiri, NATO-nun Azərbaycan üzrə əlaqələndiricisi Nikolaye Ureke ilə görüşmüşdür.
Görüşdə Azərbaycan ilə Rumıniya arasındakı əməkdaşlığın perspektivləri ilə bağlı fikir mübadiləsi aparılmış, qarşılıqlı səfərlərin və siyasi dialoqun davam etdirilməsinin vacibliyi vurğulanmışdır. Qeyd edilmişdir ki, humanitar sahədə münasibətlərin genişləndirilməsi, elm, təhsil, xüsusilə hər iki ölkənin tədqiqat mərkəzləri arasında müxtəlif layihələrin həyata keçirilməsi Azərbaycan ilə Rumıniya arasında təmasların daha da sıxlaşmasına töhfə verəcəkdir.
Tərəflər qarşılıqlı maraq kəsb edən digər məsələlər ətrafında da fikir mübadiləsi aparmışlar.
AzərTAc{nl}