Türkiyənin xarici işlər naziri Əhməd Davudoğlu "Bu gün" televiziya kanalına müsahibəsində bildirmişdir ki, Türkiyə Ermənistanla münasibətələrin normallaşması üçün böyük səylər göstərmiş və bu yolda bütün maneələrin aradan qaldırılmasını gündəmə gətirmişdir. Bu problemlərin arasında Ermənistanla sərhədlərin açıması da olmuşdur.
Türkiyəli nazir demişdir: "Bütün bu maneələr - psixoloji, siyasi və geosiyasi maneələr aradan qaldırılmalıdır. Cənubi Qafqazda birgə fəaliyyətin göstəriləcəyi iqtisadi zona yaradılmalıdır. Bunun üçün ilk növbədə Ermənistan Azərbaycana qarşı işğalçılıq siyasətinə son qoymalı və zəbt etdiyi 20 faiz torpaqları azad etməlidir. Əgər dəyişikliklər birtərəfli olacaqsa, bu səylər uzun müddət davam edə bilməz".

Oqtay BAYRAMOV, AzərTAc-ın xüsusi müxbiri
Ankara