Azərbaycan dövləti ölkədə seçki sisteminin təkmilləşməsi, azad, demokratik və şəffaf seçki keçirilməsi üçün çox mühüm işlər görmüşdür. Azərbaycanda növbəti parlament seçkilərinə hazırlığın səviyyəsi də çox yüksəkdir.
Bu sözləri ATƏT-in Bakı ofisinin rəhbəri, səfir Əli Bilge Cankorel demişdir. Səfir bildirmişdir ki, noyabrda keçiriləcək parlament seçkilərini izləmək üçün ATƏT-dən 450 müşahidəçinin gələcəyi gözlənilir. Bunlardan 45 nəfəri uzunmüddətli müşahidəçi olacaqlar. Əli Bilge Cankorel Avropa Şurasının da Azərbaycana müşahidəçi göndərmək niyyətində olduğunu qeyd etmişdir. Onun sözlərinə görə, ekspert və müşahidəçilərin sayının çoxluğu Azərbaycanda seçkilərin qanunun tələblərinə uyğun keçirilməsinin bariz nümunəsidir.
AzərTAc