“ABŞ-ın dövlət katibi Con Kerrinin Azərbaycana səfəri onun özünün də ən böyük istəyidir”.

 APA -nın məlumatına görə, bunu jurnalistlərə açıqlamasında ABŞ-ın Azərbaycandakı səfiri Riçard Morninqstar demişdir. O, bildirmişdir ki, dövlət katibinin səfərinin vaxtı hələ dəqiqləşdirilməmişdir.

R. Morninqstar ABŞ-ın Minsk Qrupunun həmsədri olaraq Dağlıq Qarabağ münaqişəsinin həllində çox fəal olduğunu vurğulamışdır: “Hər iki ölkənin prezidentləri münaqişənin həlli üçün konkret addımlar atılması məqsədilə müntəzəm şəkildə görüşməlidirlər. Bu, çox vacibdir.  Görüşlər həm rəsmi, həm də qeyri-rəsmi formada keçirilə bilər”.