İspaniyanın xarici işlər naziri Xose Manuel Qarsia Marqalyonun Azərbaycana səfərində məqsəd siyasi, iqtisadi və ticarət əlaqələrinin gücləndirilməsidir. APA-nın xəbərinə görə, bu barədə İspaniya XİN-in rəsmi açıqlamasında bildirilir.

Açıqlamada deyilir ki, Avropa Birliyinin şərqə doğru genişlənməsi və Lissabon müqaviləsinin qüvvəyə minməsi “Şərq tərəfdaşlığı” və Mərkəzi Asiya ölkələrini AB-nin xarici siyasətinin əsas aspektlərindən birinə çevirmişdir: “Azərbaycan Mərkəzi Asiya ilə Avropa arasında neft-qaz kəmərləri baxımından əsas oyunçulardan biridir. Ölkə xüsusən infrastruktur sahəsində çalışan İspaniya şirkətləri üçün ciddi maraq doğurur”.

Nazirin səfəri zamanı Bakıda 19 ispan şirkətinin iştirakı ilə biznes-forum keçiriləcək. M. Q. Marqalyo aprelin 23-24-də Azərbaycanda olacaq.