Separatçılar Ermənistanın dəstəyi ilə Dağlıq Qarabağın böyük hissəsini və Azərbaycanın daha yeddi bölgəsini nəzarət altında saxlamaqda davam edirlər. Trend-in məlumatına görə, bu barədə ABŞ Dövlət Departamentinin hazırladığı ötən il dünyanın bir sıra ölkələrində insan haqlarının vəziyyətinə dair ənənəvi illik hesabatda bildirilir.

Hesabatda qeyd olunur ki, Dağlıq Qarabağın yekun statusu Rusiya, Fransa və ABŞ-ın həmsədrlik etdiyi ATƏT-in Minsk qrupu tərəfindən beynəlxalq vasitəçiliyin predmeti olaraq qalır: “İl ərzində hərbiləşdirilmiş təmas xətti boyunca insidentlər davam etmiş və hər iki tərəfdən çoxsaylı insan tələfatına səbəb olmuşdur”.