Türkiyə-Azərbaycan Dərnəyi Türkiyə Böyük Millət Məclisində Xocalı soyqırımının tanınması üçün qardaş ölkənin deputatlarına müraciət ünvanlamışdır.

Müraciətdə Xocalıda erməni vəhşiliyini pisləyən qanun layihəsinin qəbul olunmasının zəruriliyi öz əksini tapmışdır. Müraciətdə bildirilir ki, bir çox ölkələr və müxtəlif beynəlxalq təşkilatlar Xocalı soyqırımı ilə bağlı qərar qəbul etmişdir. Türkiyə Böyük Millət Məclisinin üzvü Sinan Oğan 2012-ci ildə Xocalıda baş verənlərin soyqırımı kimi tanınmasını nəzərdə tutan qərar layihəsinin müzakirəyə çıxarılmasını təklif etmişdir. Müraciətdə həmin qərar layihəsinin yenidən deputatların müzakirəsinə çıxarılması və dəstəklənməsi çağırışı səslənmişdir. Qərar layihəsinin müəllifi Sinan Oğan həmkarlarının Xocalı soyqırımı ilə bağlı təşəbbüsə dəstək verəcəklərinə inandığını bildirmişdir.

AzərTAc