Sonuncu dəfə Naxçıvanda toplaşmış türkdilli ölkələrin dövlət başçıları sentyabrın 15-16- da Türkiyədə bir araya gələcəklər.
Türkdilli ölkələrin önümüzdəki ay Türkiyədə keçiriləcək zirvə görüşünə hazırlıq məsələləri avqustun 4-6-da Bodrumda Azərbaycan, Türkiyə, Qazaxıstan və Qırğızıstanın xarici işlər nazirlərinin qeyri-rəsmi görüşündə də müzakirə olunmuşdur. Bununla bağlı jurnalistlərə açıqlama verən Qırğızıstanın xarici siyasət idarəsinin başçısı Ruslan Kazakbayev bildirmişdir ki, İstanbulda keçirilməsi planlaşdırılan bu zirvə görüşündə Türk Dünyası Şurası Katibliyinin təsis olunması gözlənilir. Xarici işlər nazirlərinin görüşlərinə gəldikdə isə, bu toplantılar Qırğızıstanın Tanrı dağında, Bakı və Almatıda davam edəcəkdir.

Oqtay BAYRAMOV, AzərTAc-ın xüsusi müxbiri
Ankara