Avropa Parlamentinin dünən keçirilən plenar sessiyasında Ukrayna ilə bağlı qətnamə qəbul olunmuşdur.

 APA-nın xəbərinə görə, qətnamədə Rusiyanın Ukraynaya və Avropa Birliyinin digər Şərq tərəfdaşlarına təzyiqini pisləyən parlamentarilər AB-ni buna qarşı əks tədbirlər işləyib hazırlamağa çağırmışlar: “Avropa Parlamenti Rusiyanın Ukraynaya qəbuledilməz siyasi-iqtisadi təzyiqlərini və ticarət sanksiyaları hədələrini qətiyyətlə qınadığını bildirir  və AB-nin üzv ölkələrini Rusiyanın bu təzyiq alətləri və tədbirlərinə qarşı adekvat cavab siyasəti həyata keçirməyə çağırır”.

Avropa Parlamenti Rusiyanın Ümumdünya Ticarət Təşkilatının normalarını pozması ehtimalı ilə bağlı Avropa Komissiyasına cavab tədbirlərinin mümkünlüyünü nəzərdən keçirməyi təklif etmişdir.