Türkiyənin xarici işlər naziri Əhməd Davudoğlu Ermənistan - Türkiyə əlaqələrinin normallaşmasının Cənubi Qafqazda əldə ediləcək sülhdən asılı olduğunu bildirmişdir.

Trend-in məlumatına görə, bu haqda Türkiyənin “Habertürk” telekanalı məlumat vermişdir.

“Ermənistan və Türkiyə əlaqələrində normallaşma yaranmasa belə, Cənubi Qafqazda sülh əldə edilməzsə, bu əlaqələr hər an pozula bilər,”- deyə Davudoğlu bildirmişdir.

XİN rəsmisi qeyd etmişdir ki, hazırda regionda Azərbaycan-Türkiyə-Gürcüstan üçlü mexanizmləri mövcuddur və Ermənistanın Rusiya ilə əlaqələri nəzərə alınmasa, demək olar ki, Yerevan regionda tək qalmışdır: “Rəsmi Ankara Ermənistanın təcrid edilməsini dəstəkləmir, Lakin Ermənistan bu təcrid vəziyyətindən çıxmaq niyyətindədirsə, Azərbaycanın işğal olunmuş ərazilərini geri qaytarmalıdır”.