ABŞ şirkətləri Azərbaycanın ikinci süni rabitə peykinin orbitə çıxarılması layihəsi ilə yaxından maraqlanır.

Bu layihənin iqtisadi-texniki əsaslandırmasını ABŞ-ın Ticarət və İnkişaf Agentliyi maliyyələşdirir.  “APA-Economics”in məlumatına görə, bunu jurnalistlərə açıqlamasında ABŞ-ın Azərbaycandakı səfiri Riçard Morninqstar bildirmişdir.

“Bilirsiniz ki, İKT sahəsi iqtisadiyyatın diversifikasiyası üçün çox ümidverici sahədir. Bakıdakı Azərbaycan-ABŞ İKT forumunda iştirak edən və eyni zamanda Azərbaycanda fəaliyyət göstərmək istəyən Amerika şirkətləri var. Qeyd edim ki, Azərbaycan regionda İKT sahəsində yaxşı imkanlara malikdir. Ümid edirik ki, ABŞ-Azərbaycan əməkdaşlığı bu sahəyə öz töhfəsini verəcək”, - deyə amerikalı səfir bildirmişdir.