Avqustun 3-də Məzahir Pənahovun sədrliyi ilə Mərkəzi Seçki Komissiyasının növbəti iclası keçirilmişdir.
Mərkəzi Seçki Komissiyasının mətbuat xidmətindən bildirmişlər ki, əvvəlcə komissiyanın 2010-cu il 23 iyul tarixli iclasının protokolu təsdiqlənmişdir.
Sonra seçki dairələrinin müəyyən edilməsi üzrə komissiyanın yenidən formalaşdırılması haqqında qərar qəbul edilmişdir.
Mərkəzi Seçki Komissiyası 13 saylı Xəzər birinci, 22 saylı Nəsimi ikinci, 65 saylı Saatlı-Sabirabad- Kürdəmir və 73 saylı Lənkəran şəhər seçki dairələri dairə seçki komissiyalarının tərkibində dəyişikliklər etmişdir.
Komissiyanın iclasında cari məsələlərə də baxılmışdır.
İclasda ATƏT-in Bakı ofisinin, Milli Demokratiya İnstitutunun təmsilçiləri və kütləvi informasiya vasitələrinin nümayəndələri iştirak etmişlər.
AzərTAc{nl}