Azərbaycanda səfərdə olan Rusiyanın Həştərxan vilayəti hökuməti sədrinin müavini Tatyana Yusupovanın rəhbərlik etdiyi nümayəndə heyəti avqustun 3-də Rusiyanın Bakıdakı səfirliyində olmuşdur.
Səfir Vladimir Doroxin ilə görüşdə Həştərxan nümayəndə heyəti səfər çərçivəsində keçirilmiş görüşlərdən, Azərbaycanda gördüyü qonaqpərvərlikdən məmnunluqla danışmışdır. Bildirilmişdir ki, xalqlarımız arasında dostluq əlaqələrinin möhkəmlənməsi üçün böyük işlər görülmüşdür.
Görüşdə vurğulanmışdır ki, Bakı şəhərinin və Həştərxan vilayətinin qardaşlaşmış Nərimanov rayonları arasında əlaqələrin inkişafı ölkələrimizin dostluq və əməkdaşlığının davamıdır. Prezidentlər İlham Əliyevin və Dmitri Medvedevin xüsusi önəm verdikləri Azərbaycan-Rusiya münasibətləri xalqlarımızın rifahına xidmət edir.