Böyük Britaniya Dağlıq Qarabağ münaqişəsinin sülh yolu ilə həllinə inanır. Trend-in məlumatına görə, bunu bazar ertəsi Bakıda jurnalistlərə Böyük Britaniyanın Lordlar Palatasının üzvü, “Global Counsel” təşkilatının sədri Piter Mandelson demişdir.

Onun sözlərinə görə, münaqişə, heç şübhəsiz ki, regiona qeyri-sabitlik gətirmişdir: “Bu qeyri-sabitliyin tərəflər arasında münaqişənin sülh yolu ilə nizamlanması vasitəsilə aradan qaldırılması böyük əhəmiyyət kəsb edir”.

P.Mandelson qeyd etmişdir ki, bu missiya ATƏT-in Minsk qrupuna həvalə edilmişdir: “Biz ümid edirik ki, Minsk qrupunun bu istiqamətdə səyləri uğurlu olacaq”.