Azərbaycanın Xarici İşlər Nazirliyinin mətbuat xidmətindən bildirmişlər ki, avqustun 2-də nazir Elmar Məmmədyarov Moldovanın ölkəmizdə yeni təyin olunmuş səfiri İqor Bodyu ilə görüşmüşdür.
Etimadnaməsinin surətini nazirə təqdim edən İ.Bodyu Azərbaycanda səfir təyin olunmasından məmnunluğunu bildirmişdir. Ölkələrimiz arasında bir sıra sahələrdə əməkdaşlığın inkişafı üçün geniş potensialın olduğunu vurğulayan diplomat fəaliyyəti dövründə Azərbaycan-Moldova əlaqələrinin genişləndirilməsinə çalışacağını demişdir.
Nazir E.Məmmədyarov İ.Bodyunu yeni təyinatı münasibətilə təbrik etmiş və işlərində müvəffəqiyyətlər arzulamışdır.{nl}