Avqustun 3-də ABŞ Senatının Xarici Əlaqələr Komitəsində Mətyu Brayzənin Azərbaycanda səfir vəzifəsinə namizədliyi üzrə səsvermə keçiriləcəkdir.
Məlumat Senatın Xarici Əlaqələr Komitəsinin rəsmi saytında yerləşdirilmişdir.
Senatda M.Brayzənin namizədliyinin müzakirəsi üzrə ilk dinləmələr iyulun 23-də keçirilmişdir.
Bundan əvvəl ABŞ konqresmenləri Solomon Ortiz, Maykl MakMahon, Mixail Konauey, Bil Şuster, Syu Mirik, Şelli Mur Kapito Konqresə M.Brayzənin Azərbaycanda fövqəladə və səlahiyyətli səfir vəzifəsinə namizədliyini dəstəklədiklərini göstərən məktub göndərmişlər.
Konqresmenlər məktubda ABŞ-ın Azərbaycandakı səfirinin təyin edilməsi prosesinin tezləşdirilməsini xahiş etmiş və Prezident Barak Obama tərəfindən bu namizədliyin mayın 25-də irəli sürülməsinə razılıqlarını bildirmişlər.
AzərTAc{nl}