“Artıq Ağdam, Füzuli, Cəbrayıl və Zəngilan rayonlarının işğalından

20 il ötür. Aydın məsələdir ki, münaqişənin həllində az irəliləyiş olub”

 APA -nın xəbərinə görə, bunu Böyük Britaniyanın Leyboristlər Partiyasından olan millət vəkili Jerri Sutkliff Avropa Azərbaycan Cəmiyyətinin Dağlıq Qarabağ münaqişəsinə dair sorğusuna cavab olaraq demişdir.

O, bildirmişdir ki, münaqişənin beynəlxalq hüququn sərhədlərin toxunulmazlığı prinsipinə və BMT Təhlükəsizlik Şurasının 822, 853, 874 və 884 saylı qətnamələrinə əsasən həll edilməsinə daha çox səy göstərilməlidir: “Azərbaycanda bir milyona yaxın məcburi köçkün var və mən Azərbaycana səfərim zamanı onları öz gözlərimlə görmüşəm.

Bu insanların öz doğma evlərinə qayıtması beynəlxalq ictimaiyyət üçün prioritet olmalıdır”.