Rusiya Xarici İşlər Nazirliyinin rəsmi nümayəndəsi A.Lukaşeviç həftəlik brifinqdə Azərbaycanda prezident seçkilərinin nəticələrini yüksək qiymətləndirərək qeyd etmişdir ki, Azərbaycan ilə Rusiya arasında münasibətlərdə bundan sonra da “yalnız irəliləyişlər olacaqdır”.

A.Lukaşeviç demişdir: “Rusiya prezidenti V.V.Putin İlham Heydər oğlu Əliyevi yenidən prezident seçilməsi münasibətilə artıq   təbrik etmişdir. Təbrik teleqramında  hər şey ifadə olunmuşdur. Düşünürəm ki, münasibətlərimizdə heç bir əsaslı dəyişiklik olmayacaqdır - əlaqələr daha da yaxşılaşacaqdır. Azərbaycan lideri seçkilərdə çox böyük üstünlüklə qələbə qazanmışdır və bu, onun siyasi nüfuzunu və cəmiyyətdə güclü təsirə malik olduğunu təsdiq edir. Rusiya ilə Azərbaycan arasında bütün sahələrdə çoxşaxəli qarşılıqlı əlaqələr yaranmışdır. İlham Əliyevin yeni prezidentlik müddəti strateji tərəfdaşlığı keyfiyyətcə yeni səviyyəyə qaldırmaqda bizə kömək edəcəkdir”. 

Fəridə ABDULLAYEVA,

AzərTAc-ın xüsusi müxbiri

Moskva