“Azərbaycan Çinin dostudur və biz prezident seçkilərinin normal keçdiyinə görə şadıq”.

Bu sözləri Çin Xalq Respublikası Xarici İşlər Nazirliyinin mətbuat katibi Xua Çunyunq oktyabrın 11-də gündəlik mətbuat konfransında demişdir.

Çin dövlətinin İlham Əliyevi yenidən Prezident seçilməsi münasibətilə təbrik etdiyini bildirən Xua Çunyunq əlavə etmişdir ki, ölkəsi Azərbaycan ilə müxtəlif sahələrdə daha dərin əməkdaşlıqda maraqlıdır O, sözünə davam edərək demişdir: “Çin Azərbaycan xalqının seçiminə hörmət edir. Biz Azərbaycan ilə bərabər, qarşılıqlı hörmət və səmərə prinsipləri əsasında işləyərək iki ölkə arasındakı ənənəvi dostluq münasibətlərini müxtəlif sahələrdə daha da möhkəmləndirməyi istəyirik”.

Şahin CƏFƏROV,

AzərTAc-ın xüsusi müxbiri

Pekin