“İlham Əliyevin seçkilərdə böyük səs çoxluğu ilə qalib gəlməsi onun siyasi nüfuzunun və cəmiyyətə təsir gücünün olduğunu göstərir”.

APA-nın Moskva müxbirinin verdiyi məlumata görə, bunu Rusiya Xarici İşlər Nazirliyinin xüsusi nümayəndəsi Aleksandr Lukaşeviç bu gün keçirdiyi brifinqdə bildirmişdir. O, demişdir ki, İlham Əliyevin yenidən prezident seçilməsi iki ölkə arasında münasibətləri daha da inkişaf etdirəcək: “Artıq Rusiya Prezidenti Vladimir Putin də İlham Əliyevi yenidən prezident seçilməsi münasibətilə təbrik etmişdir. Rusiya ilə Azərbaycan arasında bütün sahələrdə inkişaf var və iki ölkə arasında münasibətlər yüksək səviyyədədir. Ümid edirik ki, bu inkişaf bundan sonra da davam etdiriləcək”.