“Azərbaycanda keçirilən prezident seçkilərində heç bir qanun pozuntusuna rast gəlməmişik”.

APA-nın məlumatına görə, bunu Azərbaycanda prezident seçkilərini müşahidə edən Çexiya Diplomatik Akademiyasının direktoru, ölkənin sabiq xarici işlər naziri Kiril Svoboda jurnalistlərə açıqlamasında bildirmişdir.

K. Svoboda qeyd etmişdir ki, bir çox seçki məntəqələrində olmuşdur: “Biz səs verən vətəndaşlarla da görüşmüşük və heç bir qanun pozuntusuna rast gəlməmişik. Seçki prosesinin normal ölkələrdə olduğu kimi, düzgün və şəffaf keçirilməsinin şahidi olduq. Eyni zamanda, seçicilərdə yüksək əhval-ruhiyyə də var idi”.