“Prezidentliyə namizədlərin müraciətlərinin qəbulu, dəyərləndirilməsi və təsdiqi şəffaf şəkildə həyata keçirilib, seçki kampaniyası üçün hər cür imkan yaradılıb”

APA-nın məlumatına görə, bunu ATƏT-in Bakı Ofisinin rəhbəri Koray Tarqay demişdir.

Onun sözlərinə görə, iki namizədin müraciəti ilə bağlı problemlər olsa da, onlara hüquq çərçivəsində baxılacaq.

K. Tarqay əlavə etmişdir ki, təmsil etdiyi təşkilat rayonlarda da çox iş görmüş, görüşlər keçirmişdir: “Eyni zamanda 125 Dairə Seçki Komissiyasının sədrləri ilə danışıqlarımız olmuşdur. Ümidim odur ki, Azərbaycanda keçiriləcək seçkilər dünya üçün də örnək olacaq”.

Hazırkı seçki şəraitini dəyərləndirən K. Tarqay bildirmişdir ki, ölkədə seçki kampaniyası üçün hər cür imkan yaradılmışdır, namizədlərin mitinq keçirməsi üçün yerlər də ayrılmışdır.