Azərbaycanda rəsmi səfərdə olan Sinqapur Respublikasının ticarət və sənaye naziri Lim Nq Kianq sentyabrın 19-da Fəxri Xiyabana getmiş, orada xalqımızın ümummilli lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini yad etmiş, onun məzarı önünə əklil qoymuşdur.

Ali qonaq görkəmli oftalmoloq alim, akademik Zərifə xanım Əliyevanın da xatirəsini ehtiramla yad etmiş, onun məzarı önünə tər çiçəklər qoymuşdur.

AzərTAc xəbər verir ki, Lim Nq Kianq Şəhidlər Xiyabanına getmiş, “Əbədi məşəl” abidəsi önünə tər çiçəklər qoymuşdur.

Qonağa Şəhidlər Xiyabanının tarixi və Azərbaycan paytaxtında aparılan tikinti və abadlıq işləri barədə məlumat verilmişdir. Nazir Bakının panoramını seyr etmişdir.