Azərbaycan Qlobal Rəqabətlilik

İndeksinə görə Rusiya, Qazaxıstan,

İran kimi böyük dövlətləri geridə qoymuşdur

Dünya İqtisadi Forumu 2013-2014-cü illər üçün Qlobal Rəqabətlilik Hesabatını (The Global Competitiveness Report) açıqlamışdır. “APA-Economics”in məlumatına görə, sənədə əsasən, Qlobal Rəqabətlilik İndeksinə (Global Competitiveness Index) görə qiymətləndirilməsi aparılan 148 ölkə arasında Azərbaycan 39-cu pillədə qərarlaşmış və ötən ilə nisbətən mövqeyini 7 bənd yaxşılaşdırmışdır.

Reytinqə əvvəlki ildə olduğu kimi, İsveçrə başçılıq edir. İlk onluğa həmçinin Sinqapur (keçən il - 2-ci pillə), Finlandiya (3), Almaniya (6), ABŞ (7), İsveç (4), Honkonq (9), Niderland (5), Yaponiya (10) və Böyük Britaniya (8) daxil olmuşdur.

Qeyd edək ki, ilk yeri tutan İsveçrə qiymətləndirmə nəticəsində 5,67 bal, Azərbaycan 4,51 bal, reytinqi tamamlayan Çad isə 2,85 bal toplamışdır.

Türkiyə bu reytinqdə 4,45 bal (44-cü yer), Qazaxıstan 4,41 bal (50-ci yer), Rusiya 4,25 bal (64-ci yer), Gürcüstan 4,15 bal (72-ci yer), Ermənistan 4,10 bal (79-cu yer), İran isə 4,07 bal (82-ci yer) ilə qiymətləndirilmişdir.