Suriyada mümkün hərbi əməliyyatların məqsədi Bəşər Əsəd rejiminin devrilməsinə deyil, yalnız onun hərbi qüdrətinin zəiflədilməsinə yönəldiləcək. “Trend”in Türkiyənin “Zaman” qəzetinə istinadən verdiyi məlumata görə, bu barədə Türkiyənin Baş naziri Rəcəb Tayyib Ərdoğanın nazirlərlə Suriya məsələsinə həsr olunan görüşündə bildirilmişdir.

Nəşrin məlumatına görə, görüşdə xarici işlər, daxili işlər, müdafiə və digər nazirləri iştirak etmişlər.

Təcili görüşdə Türkiyənin Suriyaya qarşı birbaşa hava hücumlarında iştirak etməyəcəyinə və yalnız digər ölkələrə bu hava hücumunu reallaşdırmaqda kömək edəcəyinə dair razılığa gəlinmişdir.

Bundan əlavə, Ərdoğan Suriya ilə sərhəd əyalətlərdə təhlükəsizlik tədbirlərinin gücləndirilməsi və ora əlavə hərbi texnika və insan resurslarının göndərilməsini tapşırmışdır.